Та цэцэрлэгийнхээ нэгдсэн төлөвлөгөөг боловсруулах болон шинэчлэхийг хүсвэл бид дараах төлөвлөгөөг санал болгож байна.

СУРГАЛТЫН ЗОРИЛГО, ЗОРИЛТ

Зорилго:

Бага насны хүүхэд бүр бие, оюун ухаан, сэтгэлээр эрүүл өсөн бойжих, өөрийн онцлог, бүтээлч үйлээрээ хөгжих, бие бялдар, танин мэдэхүй, нийгэмшихүйн чадамжийг хөгжүүлэхэд дэмжлэг үзүүлнэ.

Зорилт:  

1. Хүүхэд эрүүл бие бялдартай, биеийн хөдөлгөөнөө зохицуулан аливаа үйл ажиллагаанд идэвх сонирхолтой оролцож, болзошгүй осол гэмтлээс сэргийлэх, эрүүл амьдрах дадалтай болох: 
2.  Хүүхэд өөрийн болон хүмүүсийн сэтгэл хөдлөл, зан байдлыг танин мэдэх, ойлгох, сэтгэлийн хөдөлгөөн, зан, үйл, харилцаагаа эерэгээр зохицуулан хүмүүстэй хүндэтгэлтэй харилцах:
3.  Хүүхэд өөртөө итгэлтэй, эерэг зан чанартай, тууштай, суралцах сонирхолтой байх:
4.  Хүүхэд хүмүүсийг сонсож, тэдэнтэй ярилцаж, мэдээлэл солилцох дуртай, санаа бодол, мэдрэмж, мэдлэг төсөөллөө хэл яриагаар илэрхийлэх:
5. Хүүхэд бодит амьдралд тулгуурлаж, математикийн энгийн төсөөлөлд суралцах, түүнд сонирхолтой байж, өдөр тутам хэрэглэдэг байх:
6. Хүрээлэн буй байгаль, нийгмийн орчныг сонирхож, тэдгээрийн учир шалтгаан, харилцан хамаарлыг өдөр тутмын амьдралаас ойлгож,   танин мэдэх,  орчинтойгоо зохистой харьцдаг байх:
7.  Хүүхэд дүрслэх урлаг, хөгжмийг сонирхож, таашааж, уран сэтгэмжтэй, урлагийн үйлд бүтээлчээр оролцдог байх:

МАТЕМАТИКИЙН ЭНГИЙН ТӨСӨӨЛӨЛ

1-р түвшин

1.Нэг ба олныг ялгах

- Нэг эд зүйл, хүн, амьтныг заагаад “Хэдэн ... байна вэ?” гэж асуухад хариулна.

-“Багшдаа олон тоглоом (бөмбөг, машин гэх мэт), эд зүйл (харандаа, халбага гэх мэт) аваад ир дээ?” гэхэд олныг авч ирнэ.

- Нэг нэг бөмбөгийг нийлүүлж, олон болгоно.

  2. Хэмжих, хэмжээг ялгах

Эд юмсыг хэмжээгээр нь (том, жижиг) ялгаж заах, нэрлэх

-Аавын гар том, миний гар жижиг, том бөмбөг, жижиг бөмбөг, багшийн сандал том, миний сандал жижиг гэх мэтээр том, жижгийн ялгааг хэлнэ.

- Хэмжээгээрээ эрс ялгаатай тоглоом (том, жижиг бөмбөг, хүүхэлдэй гэх мэт), эд юмсыг ижил ижлээр нь сагсанд хийнэ, тавиурт байрлуулна.

-Том хайрцаг дотор жижиг хайрцгийг хэмжээгээр нь дараалуулан хийнэ.

-Суварган тоглоомыг давхарлан тавьж өрж тоглоно.

-Том машинд том бамбаруушийг, жижиг машинд жижиг хүүхэлдэйгээ суулгах гэх мэтээр тоглоно.

-Олон хүний зураг харуулаад, Олон хүн байна уу, цөөн хүн байна уу? гэж асуухад тохирох хариулт өгнө.

 3. Хэлбэр дүрс, өнгийг тодорхой- лох

Эд зүйлсийг ижлээр нь ялгах, нэгийг нөгөөд оноох

-Савтай дүрснээс дугуй дүрсийг авч дугуй дүрсний зурагтай сагсанд хийнэ.

-Адил зүйлсийг олно, хамтад нь тавина.Жишээ нь: Бөмбөг, машинуудыг тус тусад нь тавих.

-Гурвалжин, дөрвөлжин, дугуй дүрсийг ялган таньж, тохирох хивэнд хийж тоглоно.

-Янз бүрийн хэлбэр дүрстэй соронзон (лего) өрж байгуулах, угсрах тоглоомоор тоглоно

-Өрж байгуулах тоглоомыг адилхан өнгө (улаан, шар, хөх зэрэг)-өөр тэмдэглэсэн тавиурт хураана.

-Зааврын дагуу дөрвөлжин, дугуй, гурвалжин дүрсээр энгийн зүйл (ор, хашаа, байшин гэх мэт) бүтээнэ.

4.Орон зайг баримжаалах

“дээр”, “доор", “гадаа”, “гэрт” гэсэн байрлал заасан үгийг ойлгох, хэрэглэх

-Ширээн дээр тавиарай, сандал дээр суугаарай, орон доогуур орж нуугдаарай, гадаа гарч тоглоцгооё гэх мэт байрлал заасан үгийг ойлгож биелүүлнэ.

-Ширээн дээр юу байна вэ?, Ширээн доор юу байна вэ? гэх мэт асуултад хариулна

Өөрийн бие эрхтнийг заана, нэрлэнэ.

-Эд зүйлсийн байрлалыг асуухад заана. Жишээ нь: Орон дээр хүүхэлдэй байна, тавиур дээр аяга байна гэх мэт.

-Гэрт хэн хэн байна вэ? Хэн гэрийн гадаа байна вэ? зэрэг асуултад хариулна.

-Хувцас, эд зүйлсийг хэлсэн байрлалд тавина. Жишээ нь: Сандал дээр хувцсаа тавиарай, Сандал дооргутлаа тавиарай.

НИЙГЭМШИХҮЙН ХӨГЖИЛs

ХӨДӨЛГӨӨН, ЭРҮҮЛ МЭНД

ХЭЛ ЯРИА

БАЙГАЛЬ, НИЙГМИЙН ОРЧИН

ХӨГЖИМ, ДҮРСЛЭХ УРЛАГ  

ХӨДӨЛГӨӨН, ЭРҮҮЛ МЭНД СУРГАЛТЫН ХӨТӨЛБӨР           

гэх мэт төрлүүдийг 1-3 төвшинд хөгжүүлэх /бүлэг бүрээр/ хөтөлбөрийг дэлгэрэнгүй боловсруулсан ба Эрхлэгч та шууд батлан /цэцэрлэг/ байгууллага дээрээ хэрэгжүүлэх боломжтой.

Хуудас-66